Por fin!

Por fin cargaron os debuxos que faltaban dos piollos! Agora non nos podemos esquecer de votar todos os días pinchando aquí.

Obradoiros sobre o traballo decente

Os días 3 e 4 de Decembro os/as alumnos/as de Malpica participaron nuns obradoiros de "Traballo Decente" e "Consumo Responsable". Os falcatrueiros fixemos unha Xinkana e mais aprendemos a mercar.

O primeiro obradoiro chamábase CANTAS COUSAS PODO MERCAR? Aquí cada un de nós tiña unha ficha onde estaban debuxados distintos produtos de consumo do día a día, uns que cubren necesidades básicas e outros non tan básicas. Noutra ficha tiñamos dous carriños, unha para facer a compra para a nosa familia e outro para facer a compra para unha familia dun país non desenvolvido.
Como nos paises do sur económico perciben 5 veces menos salario, no carriño desta familia só podemos meter un produto e no da nosa familia 5. Entón puxémonos man a obra. Coloreamos o que queriamos mercar, recortamos e marcarmos no carro da nosa familia os produtos básicos. Deste xeito reflexionamos sobre dous asuntos: por un lado, que noutros países, cos salarios que teñen, só poden cubrir as necesidades básicas. Por outro, analizamos se a nosa compra foi axeitada, se cubrimos as necesidades básicas ou pola contra, só mercamos "caprichos" e quedamos sen o importante.

Na XINKANA cada grupo tiña que superar unhas probas lúdicas e divertidas relacionadas co traballo decente. Cada unha simbolizaba unha característica que ten que ter un traballo digno. Neste xogo de simulación uns grupos tiñan todas as facilidades para realizar a proba e outros moitas dificultades, cambiando logo as tornas.
Por cada proba superada, o grupo conseguía unha peza do quebracabezas.

Aquí tedes as fotos da nosa experiencia

A constitución

Este fin de semana temos uns días de festa. Imos celebrar o nacemento da Constitución que garantiza os nosos dereitos e marca os nosos deberes. Tamén celebraremos o día da Inmaculada.

Aquí temos algúns xogos e recursos para coñecer de xeito divertido a nosa Constitución.

A constitución

Actividade JClic

Xogar á Carta Magna

O aniversario da Constitución

A Constitución española para nenos

Cadrados máxicos

Sabedes o que son os cadrados máxicos? Son moi divertidos e unha forma amena de xogar cas Matemáticas.


- Se queres practicar e aprender cos cadrados máxicos preme aquí.
- Cadrados máxicos con Jclic
- Nesta páxina podedes descargar un xerador de cadrados máxicos.
- Máis propostas e actividades interactivas

Día internacional dos dereitos dos nenos

O día 20 de Novembro de 1959 as Nacións Unidas proclamaron a DECLARACIÓN DOS DEREITOS DO MENIÑO E DA MENIÑA.

O mesmo día, 30 anos despois, celebrouse a Convención sobre os dereitos dos nenos.

Para conmemorar tal día, nesta data, celébrase en todo o mundo O Dia Internacional dos dereitos do neno ou Día Mundial da Infancia.

Onte, os falcatrueiros de 3ºA coñecemos un pouquiño máis os nosos dereitos, dereitos que tantos e tantos nenos non están a disfrutar.

Neste mural intentamos plasmar en imaxes o froito da nosas reflexións.



O Luns continuaremos reflexionando sobre a necesidade de loitar porque todos os nenos e nenas deste mundo poidan vivir nunhas condicións dignas, en paz e liberdade.
Para os que vos interese traballar estos contidos

aquí

tedes varios materiais. interesantes.

Cidade de convivencia e igualdade

Con motivo do "Día Internacional para a eliminación da violencia contra as mulleres", o 21 de novembro, a Concellería de Igualdade e Participación Cidadá do Concello da Coruña organiza os obradoiros "Cidade de convivencia: deseña e constrúe a túa cidade", dirixidos a nenos e nenas con idades entre os 5 e 12 anos.

Anímovos a todos a acercárvos cos vosos rapaces.

Xogos de lingua

Pinchando aquí atoparemos varios xogos para repasar moitos dos contidos de lingua que estamos a dar este ano.

Concurso de debuxos sobre os piollos

Lembramos ás nosas familias, amizades e a todo aquel que queira colaborar que os terceiros estamos a participar nun concurso de debuxo sobre a prevención dos piollos chamado "PIOJOS NI EN PINTURA". Debido a problemas ca páxina faltan algún dos nosos debuxos por colgar. Estade atentos que nos dixeron que enseguida o arranxarían. Podedes votar os nosos debuxos unha vez ao día pinchando aquí. Sorte a todos.

Ola chamome Xian, son moi baixo, teño 8 anos. Gustame o baloncesto e debuxar e teño unha vida virtual en HABBO e son de terceiro b.

Ola¡ son Xela teño sete anos,vivo en Malpica. Gustame moito xogar cos meus amigos ,

a miña comida favorita e o churrasco. E tamen me guta moito andar en bicicleta,

chao.